乳牛血淚史
當我仲係少女嘅時候就已經知道母乳嘅好處。「 愛從母乳開始」呢啲solgan 簡直聽到煩膠， 知喇知喇，哺乳係女人嘅天職嘛。 女人嘅天職真係多，又要哺乳，又要生兒育女。咁男人嘅天職又係咩呢？播種呀？
患有產前抑鬱的我，對所有事情都好厭惡。懷孕已經好辛苦，難道產後仲要搞母乳玩 _ 自己咩 。 「唔好煩，食奶粉一樣㗎啫」當時我心意已決！
生產後情況180度轉變。 我被推往普通病房，豬豬就瞓喺我旁邊，佢好細粒動作好慢好慢，緩緩睜開雙眼與我對望。
一個小時前我把她帶到這個世界。 佢既神秘又陌生。我唔知佢嘅性格喜好， 我甚至唔認識佢 。但佢，卻完完全全屬於我。 想到這裏，我心裏湧上一股暖意。
我唔知點樣形容呢刻嘅感覺，一方面我對生命一臉狐疑，另一方面內心氾濫著強烈的保護慾。好想好想保護豬豬，因為佢嘅世界只有我一個。 我諗呢啲就係母愛。
此時姑娘走進來，問「你餵人奶還是配方奶？」。我鏗鏘的答「人奶」。 乳牛生活就從此開始.......
當Flat nipple 遇上厭奶豬。
Flat nipple 我還是生產後才聽過。扁平足有聽過嗎？ 原來奶頭也有扁平。乳頭扁平無法到達寶寶嘴巴頂部，以刺激寶寶上顎並引發吸吮反射。 種種原因再加上豬豬厭奶，埋身餵奶是沒可能。我試過，我真係試過，你知道牛是怎樣吃草。對， 她把奶頭當草嚼， 上下顎左右的嚼。 她有的是時間， 她閒時嚼一兩個小時，最後弄致奶頭糜爛。 真係百般滋味在lin頭。
聰明的我還是選擇泵奶。先泵奶，再放樽餵豬豬。 雖然時時刻刻都要洗奶樽洗奶泵， 但此舉可保奶頭長命百歲， 奶頭是無辜的哦。
哺乳最恐怖莫過於漲奶，漲奶的痛沒法形容。 時限一到，胸變成石頭，無論躺睡側睡都很痛。天啊，到底隆胸的人是怎樣活？。 有時候偷懶睡多一會兒，即使用了乳墊，也會漏到滿床都是。 再不擠奶便會發炎， 這可不是講玩的。
半夜起來泵奶，冼奶泵， 又夠鐘鏟豬豬食奶。 每次只睡兩三小時，每天都在捱夜，最諷刺嘅係，奶好多，但豬不喝 💔 餵人奶路上好苦啊，萬萬想不到我已經堅持這麼久， 係愛呀～豬仔。 媽媽真係好愛你㗎。
#母乳 #人奶 #餵人奶 #親子 #育嬰 #育兒
Search